దత్తిరాజేరు(జ‌నం సాక్షి ): మండలంలోని పెదమానాపురం సమీపంలో జాతీయ రహదారిపై ఎదురెదురుగా వస్తున్న లారీ, బైక్‌ ఢీకొనడంతో ఇద్దరు యువకులు అక్కడికక్కడే మృతి చెందారు. మరొకరి పరిస్థితి విషమంగా ఉంది. క్షతగాత్రుడు మామిడి పాపారావును విజయనగరం ప్రభుత్వ ఆస్పత్రికి తరలించారు. మృతులు వంగర గ్రామానికి చెందిన మామిడి రామారావు(25), మామిడి చంటి(23)లుగా పోలీసులు గుర్తించారు. వీరు వంగర నుంచి గజపతినగరం మండలం రాబంద గ్రామానికి ఓ శుభకార్యానికి హాజరయ్యేందుకు వెళుతుండగా ఈ ప్రమాదం జరిగింది. గజపతినగరం ఎస్సై వరప్రసాద్‌ కేసు నమోదు చేసి దర్యాప్తు చేపడుతున్నారు.