ఆదిలాబాద్ జిల్లా జైనద్ మండలం శివ ఘాట్ వాటర్ ఫాల్ లో ప్రమాదవశాత్తూ పడి రెండు రోజుల క్రితం మృతి చెందిన మెడిసిన్ పీ.జీ. చదువుతున్న సిరిసిల్ల జిల్లా వీర్నపల్లి మండలం రంగంపేట గ్రామానికి చెందిన భూక్యా ప్రవీణ్ నివాసానికి బుధవారం వెళ్లి రాష్ట్ర ప్రణాళికా సంఘం వైస్ చైర్మన్ బోయినపల్లి వినోద్ కుమార్ నివాళులు అర్పించారు.భూక్యా ప్రవీణ్ చిత్ర పటానికి పూలమాలలు వేసి వినోద్ కుమార్ నివాళులర్పించారు. వారి కుటుంబ సభ్యులకు ప్రగాఢ సానుభూతిని సంతాపాన్ని తెలిపారు. ప్రవీణ్ తల్లిదండ్రులు, కుటుంబ సభ్యులకు ధైర్యం చెప్పి ఓదార్చారు.వీర్నపల్లి మండలం రంగంపేట గ్రామ మాజీ సర్పంచ్ భూక్యా ఉస్మాన్ చిన్న కుమారుడు భూక్యా ప్రవీణ్ ఆదిలాబాద్ రిమ్స్ మెడికల్ కాలేజీలో మెడిసిన్ పీ.జీ. చదువుతున్నారు.స్నేహితులతో కలిసి వాటర్ ఫాల్ కు వెళ్ళిన భూక్యా ప్రవీణ్ ప్రమాదవశాత్తు జారీ ఫాల్ లో పడి మృతి చెందడం బాధాకరం అని వినోద్ కుమార్ ఆవేదన వ్యక్తం చేశారు.భూక్యా ప్రవీణ్ కుటుంబాన్ని పరామర్శించిన వారిలో టేస్కబ్ ఛైర్మన్ రవీందర్ రావు, జడ్పీ చైర్ పర్సన్ శ్రీమతి న్యాలకొండ అరుణ రాఘవరెడ్డి, బిఅరెస్ పార్టీ జిల్లా అధ్యక్షులు తోట అగయ్య, జడ్పీటిసి గుగులోత్ కళావతి సురేష్ నాయక్, ఎంపీపీ భూల సంతోష్, మండల పార్టీ అధ్యక్షుడు రాజిరెడ్డి, జడ్పీ కో ఆప్షన్ సభ్యులు చాంద్ పాషా, సెస్ డైరెక్టర్ మల్లేశం, పార్టీ నాయకులు, తదితరులు ఉన్నారు.