మునిపల్లి, జూలై 13, జనంసాక్షి : స్కూల్ విద్యార్థులకు విజయ ఫౌండేషన్ ఆధ్వర్యంలో నోట్ పుస్తకాలు పంపిణీ చేయడం సంతోషంగా ఉందని గ్రామ యువనాయకులు డిదిగే వెంకటేశం అన్నారు. మల్లికార్జునపల్లి పాఠశాల అభివృద్ధికి తమ వంతు సహకారం అందిస్తామని గ్రామ యువకులు తెలిపారు. గురువారం నాడు విజయ ఫౌండేషన్ ఆధ్వర్యంలో ప్రాథమిక పాఠశాల విద్యార్థులకు నోట్ బుక్స్, పెన్నులు, పెన్సిల్స్, కంపాస్ బాక్స్ లు, ఉన్నత పాఠశాల విద్యార్థులకు ఎగ్జామ్ పాడ్స్ , అంగన్వాడీ పిల్లలకు పలకల పంపిణీ చేసారు. ఈ సందర్భంగా ప్రాథమిక పాఠశాల ప్రధానోపాధ్యాయులు సత్యనారాయణ మాట్లాడుతూ ప్రభుత్వ పాఠశాల విద్యార్థులకు అవసరమైనటువంటి నోట్ బుక్స్, పెన్స్, పాడ్స్ పంపిణీ చేసినందుకు విజయ ఫౌండేషన్ వారికి, సహకరించిన వెంకటేశం, బాల్ రాజ్ లకు ధన్యవాదలు తెలిపారు. భవిష్యత్తులో పాఠశాల అభివృద్ధికి మరింత కృషి చేయాలనీ గ్రామస్తులను కోరారు. ఈ కార్యక్రమంలో  ఉప సర్పంచ్ విట్టల్ రెడ్డి, వార్డు మెంబర్ రాజేందర్, సెక్రటరీ మురళీ, పాఠశాల ఉపాధ్యాయులు రమణ, చంద్రమౌళి, సృజన కుమారి, నాయకులు మహేష్, చాకలి మల్లికార్జున్, వజీర్, నరేష్, శ్రీకాంత్ గౌడ్, ఖలీంపాషా, గురుప్రసాద్ స్వామి, అనిల్ గౌడ్, మనోహర్, ధన్ రాజ్ తదితరులు పాల్గొన్నారు.