వరంగల్ ఈస్ట్, సెప్టెంబర్ 01 (జనం సాక్షి) కిట్స్ కళాశాల అసోసియేట్ ప్రొఫెసర్ డా.సుమంత్ కుమార్ వారి మిత్ర బృందం వారిచే ఎవివి పాఠశాల విద్యార్థులకు స్కూల్ యూనిఫామ్స్ పంపిణీ
శుక్రవారం రోజున కిట్స్ కళాశాల అసోసియేట్ ప్రొఫెసర్ డా.బండారు సుమంత్ కుమార్, శ్రీమతి సుకన్య, రోబోటిక్ట్స్ శిక్షకురాలు మరియు డా.బండారు సుమంత్ కుమార్ గారి మిత్ర బృందం వారు ఎవివి పాఠశాల విద్యార్థులకు సుమారు రూ.50,000 ల విలువ చేసే స్కూల్ యూనిఫామ్స్ పంపిణీ చేశారు. ఈ సందర్భంగా వారు మాట్లాడుతూ ఈ పాఠశాల విద్యార్థులకు దాతృత్వాన్ని అందించే భాగ్యాన్ని కల్పించినందులకు ఎవివి యాజమాన్యానికి ప్రత్యేక ధన్యవాదాలు తెలుపుతూ విద్యార్థులు భవిష్యత్తు లో ఉన్నతంగా ఎదగాలని ఆకాంక్షించారు. ఈ కార్యక్రమానికి ముఖ్య అతిథిగా విచ్చేసిన ఎవివి విద్యా సంస్థల కార్యదర్శి మరియు కరస్పాండెంట్ డా.చందా విజయకుమార్ గారు మాట్లాడుతూ నేటి దాత డా.సుమంత్ కుమార్ కు కృతజ్ఞతలు తెలుపుతూ ఈ దాతృత్వాన్ని సద్వినియోగం చేసుకోవాలని విద్యార్థులకు హితవు పలికారు. ఈ కార్యక్రమంలో ఎవివి విద్యా సంస్థల శాశ్వత సభ్యులు శ్రీ చందా శ్రీకాంత్, ప్రిన్సిపల్ డా.ఎ.భుజేందర్ రెడ్డి, ఉన్నత పాఠశాల ఉపాధ్యాయ బృందం ఎన్. నవీన్, యం.వాసంతి, జి. భాగ్యలక్ష్మి, జి.వీరేశలింగం, వి.రమాదేవి, జి.సుధారాణి, ఫిలిప్ లాజరస్, చిలుక భాస్కర్,రాజేశ్వరి తదితరులు పాల్గొన్నారు.