వైయస్ షర్మిలపై తెరాస కార్యకర్తలు దాడి చేయడం హేయమైనా చర్య

*వైయస్ షర్మిలపై తెరాస కార్యకర్తలు దాడి చేయడం హేయమైనా చర్య*
*కోరుట్ల మాజీ ఎమ్మెల్యే కొమిరెడ్డి జ్యోతి దేవి
మెట్పల్లి టౌన్ ,నవంబర్ 28 ,
జనం సాక్షి:
తెలంగాణలో ప్రభుత్వ వైఫల్యాలను ఎండగడుతూ పాదయాత్ర సాగిస్తున్నా వైయస్సార్ తెలంగాణ పార్టీ అధినేత్రి,అధ్యక్షురాలు వైయస్ షర్మిలపై తెరాస నాయకులు కార్యకర్తలు దాడి చేయడం హేయమైన చర్య అని కోరుట్ల నియోజకవర్గం కాంగ్రెస్ పార్టీ మాజీ ఎమ్మెల్యే కొమిరెడ్డి జ్యోతి దేవి ఈ సందర్భంగా తీవ్రంగా ఖండించారు. నేడు ఆమె మెట్పల్లిలోని స్థానిక విలేకరులతో ఫోన్ ద్వారా మాట్లాడుతూ ప్రజల శ్రేయస్సు కోరి ప్రజాస్వామ్య బద్దంగా జరిగే ఏ పార్టీకి చెందిన పాదయాత్రలైనా, ఏ ఇతర కార్యక్రమాలనైన ప్రభుత్వం ఏదో ఒక సాకు చెప్పి అణచివేయడం ప్రజాస్వామ్య విరుద్ధమని, సీఎం కేసీఆర్ నిరంకుశ ధోరణికి ఇదొక మచ్చుతునక మాత్రమే నని మండిపడ్డారు. దీనిని బట్టే ప్రభుత్వం తెలంగాణలో మహిళలకు ఏ పాటి గౌరవం ఇస్తుందో తేలిపోయిందని అన్నారు. ముఖ్యమంత్రి కేసీఆర్ జూట మాటలతో తెలంగాణ ప్రజలు విసిగిపోయారని రానున్న ఎన్నికలలో కాంగ్రెస్ పార్టీకి భారీ మెజార్టీ కట్టబెట్టి ప్రభుత్వం ఏర్పాటు చేయడం ఖాయమని స్పష్టం చేశారు