పెళ్లకూరు: నెల్లూరు: నెల్లూరు జిల్లాలో శనివారం తెల్లవారుజామున జరిగిన  ఘోర రోడ్డు ప్రమాదంలో నలుగురు దుర్మరణం చెందగా, పలువురు గాయపడ్డారు. వివరాల్లోకి వెళితే…  పెళ్లకూరు పెట్రోల్‌ బంకు వద్ద వ్యాన్‌ను ప్రైవేట్‌ ట్రావెల్స్‌ బస్సు ఢీకొంది. ఈ ప్రమాదంలో నలుగురు మృతి చెందారు. మరో ఎనిమిది మందికి తీవ్ర గాయాలయ్యాయి. మృతులంతా గుంటూరు జిల్లా బొల్లాపలి మండలం నాయుడుపాలెం వాసులు. వీరంతా ఒకే కుటుంబానికి చెందినవారు. మృతుల్లో డ్రైవర్‌, ఓ మహళ, ఇద్దరు చిన్నారులు ఉన్నారు.

నాయుడుపాలెం నుంచి తిరుమల దర్శనానికి వెళ్తుండగా ఈ ప్రమాదం చోటుచేసుకుంది. క్షతగాత్రులను నాయుడుపేట ప్రభుత్వ ఆస్పత్రికి తరలించి చికిత్స అందిస్తున్నారు. పోలీసులు ఘటనాస్థలికి చేరుకొని దర్యాప్తు చేపట్టారు.