వరంగల్‌,ఫిబ్రవరి14(జ‌నంసాక్షి): మహా శివరాత్రి పండుగ నేపద్యంలో నగరంలోని పలు ఆలయాలలో భక్తులకు ఏలాంటి అసౌకర్యాలు కలుగకుండా ఏర్పాటు చేయాలని కమిషనర్‌ రవికిరణ్‌ అన్నారు. హన్మకొండ వేయి స్తంభాల గుడి మొదలు అనేక శివాలయాలు ఉన్నాయి. ఇక్కడ ఏటా ప్రత్యేక పూజలు నిర్వహిస్తారు.  మహా శివరాత్రి పర్వదినం సందర్బంగా ఆలయ పరిసరాలు పరిశుభ్రంగాఉంచాలని ఆయన అన్నారు. ఉత్సవాలు జరిగే ప్రాంతాలను జోన్లుగా విభజించి అధికారులను నియమించాలని అన్నారు. ఆలయాలను విధ్యుత్‌ దీపాలతో అలంకరించాలని అన్నారు. మొబైల్‌ టాయ్‌లెట్లను పరిసర ప్రాంతాలలో ఏర్పాటు చేయాలని అధికారులకు సూచించారు. భక్తులకు తాగునీటి ఇబ్బందులు లేకుండా చర్యలు తీసుకోవాలని అన్నారు. ట్రాఫిక్‌ సమస్యలు తలెత్తకుండా పోలీసులతో సమన్వయం చేసుకుంటూ ముందుకు పోవాలని అన్నారు. భక్తులను స్వాగతిస్తూ వస్త్రాలతో కూడిన బ్యానర్లను ఏర్పాటు చేయాలని అన్నారు. అన్ని విభాగాలు సమన్వయంతో పని చేయాలని అన్నారు.