– ఎమ్మెల్యే డా.సంజయ్‌ కుమార్‌ ఫోన్‌ చేసిన ముఖ్యమంత్రి కేసీఆర్‌

హైదరాబాద్‌,నవంబరు 9(జనంసాక్షి):ముఖ్యమంత్రి కేసీఆర్‌ సోమవారం ఉదయం జగిత్యాల ఎమ్మెల్యే డా.సంజయ్‌ కుమార్‌తో ఫోన్‌లో మాట్లాడారు. ఈ సందర్భంగా నియోజకవర్గంలో మక్కల కొనుగోలు, కొనుగోలు కేంద్రాల ఏర్పాటు, ట్రేడర్ల కొనుగోలు తీరు ఎలా ఉందని సీఎం కేసీఆర్‌ అడిగి తెలుసుకున్నట్లు ఎమ్మెల్యే సంజయ్‌కుమార్‌ తెలిపారు. రైతులకు ఇబ్బంది లేకుండా చూడాలని, మద్దతు ధర కల్పించి నష్టపోకుండా చూడాలని సూచించినట్లు పేర్కొన్నారు.. పాలనాపరమైన ప్రతిఅంశంపై దృష్టిపెడుతూనే అన్నదాతల సంక్షేమానికి సీఎం కేసీఆర్‌ నిరంతరం కృషి చేస్తున్నారు. ఎక్కడ ఏ సమస్య ఉన్నా తెలుసుకుంటూ పరిష్కరించాలని ఎమ్మెల్యేలను, స్థానిక ప్రజాప్రతినిధులను ఆదేశిస్తున్నారు.