దండేపల్లి, :జనంసాక్షి09 దండేపల్లి మండల పరిషత్ సర్వసభ్య సమావేశం సాదాసీదాగా జరిగింది. బుధవారం ఎంపీపీ గడ్డం శ్రీనివాస్ అధ్యక్షతన సర్వసభ్య సమావేశం నిర్వహించారు. ఈ సందర్భంగా మండల పరిషత్ నివేదికను ఎంపీడీవో మల్లేషం సభకు చదివి వినిపిస్తుండగా కాంగ్రెస్ పార్టీ ఎంపీటీసి సభ్యులు లేచి గత సమావేశంలో చేసిన తీర్మానాలు ఏ మేరకు అమలు అయ్యాయో సభకు తెలుపాలని పట్టుబట్టారు. దినికి ఎంపీపీ సమాధానం ఇస్తూ సభలో చేసిన తీర్మానాలను జిల్లా ఉన్నతాధికారులకు నివేదించడం జరిగిందన్నారు. పెద్దపేట ఐకెపి సిఎను ఇంతవరకు మార్చలేదని ఎంపీటీసి సభ్యుడు కమాలకర్ సభ దృష్టికి తీసుజవచ్చారు.దండేపల్లి లో గెదెలకు వ్యాదులు సోకి మరణించాయని దీంతో పశు యజమానులు తీవ్రంగా నష్టపోయారని వారికి ప్రభుత్వ పరంగా నష్ట పరిహారం ఇప్పించాలని దండేపల్లి ఎంపీటీసి సభ్యుడు ముత్యాల శ్రీనివాస్ పశు వైద్యాధికారిని డిమాండ్ చేయగా ప్రస్తుతం అలాంటి ది ఎమి లేదని ప్రభుత్వం నుంచి వస్తే ఇప్పిస్తామని తెలిపారు. ఈ కార్యక్రమం లో మండలంలోని ఎంపీటీసి సభ్యులు, సర్పంచులు, మండల స్థాయి అధికారులు పాల్గొన్నారు.