ఫోటో రైట్ అప్: బూరుగుపల్లి లో సంబరాల్లో పాల్గొన్న ఎమ్మెల్యే సుంకే శంకర్, నాయకులు
చొప్పదండి, ఆగస్టు 21 (జనం సాక్షి ):చొప్పదండి టిఆర్ఎస్ పార్టీ అభ్యర్థిగా రెండు వరుసగా రెండోసారి తనపై నమ్మకంతో పార్టీ టికెట్ ఇచ్చిన రాష్ట్ర ముఖ్యమంత్రి కేసీఆర్ కు జీవితాంతం రుణపడి ఉంటానని ఎమ్మెల్యే సుంకే రవిశంకర్ పేర్కొన్నారు. బీఆర్ఎస్ పార్టీ టికెట్ కేటాయించడంతో బూరుగుపల్లి లోని ఆయన నివాస గృహంలో పార్టీ నాయకులు రంగులు చల్లి టపాసులు కాల్చి స్వీట్లు పంపిణీ చేసి సంబరాలు చేసుకున్నారు. ఈ సందర్భంగా ఎమ్మెల్యే సుంకే రవిశంకర్ మాట్లాడుతూ నియోజకవర్గంలో స్థానికుడైన తనను గుర్తించి 2019లో బీఆర్ఎస్ పార్టీ టికెట్ ఇచ్చి నా తనను నియోజకవర్గ ప్రజలు అత్యధిక మెజారిటీతో గెలుపొందించారని వారికి కృతజ్ఞతలుగా ఉంటూ నియోజకవర్గ అభివృద్ధికి అహర్నిశలు కృషి చేస్తున్నానని పేర్కొన్నారు. నియోజకవర్గంలో గతంలో కన్నా ఎక్కువ అభివృద్ధి చేపట్టానని, అభివృద్ధిలో నియోజకవర్గాన్ని ఆదర్శంగా నిలిపేందుకు కృషి చేస్తున్నానని పేర్కొన్నారు. తనపై నమ్మకంతో వరుసగా రెండోసారి పార్టీ టికెట్ ఇచ్చిన ముఖ్యమంత్రి కేసీఆర్ కి రెండోసారి అత్యధిక మెజారిటీతో గెలుపొంది కేసీఆర్ కి కానుక ఇవ్వాలని ,ప్రజలకు ఆయన విజ్ఞప్తి చేశారు.