హత్నూర (జనం సాక్షి) కాంగ్రెస్ పార్టీ హత్నూర మండలాధ్యక్షుడి నియామకంలో అగ్గిరాజుకుంది. అప్పటిదాక ఒక్కతాటిపై నడిచిన పార్టీ శ్రేణుల్లో ఒక్కసారిగా వర్గ విభేదాలు గుప్పుమన్నాయి.    అధిష్టాన నిర్ణయానికి కట్టుబడి ఒక వర్గం ముందుకు పోగా నిర్ణయాన్ని ఉపసంహరించుకోవాలని మరో వర్గం వారు ధిక్కరణ స్వరాన్ని వినిపిస్తున్నారు.మండల కాంగ్రెస్ పార్టీ శ్రేణుల్లో భగ్గుమన్న విభేదాల కుంపటి నియోజకవర్గం స్థాయిలో హాట్ టాపిక్ గా మారింది.సాదుల్ నగర్ గ్రామానికి చెందిన కె.కృష్ణను పార్టీ మండలాధ్యక్షుడిగా నియమిస్తూ అధిష్టానం తీసుకున్న నిర్ణయాన్ని ఇప్పటివరకు మండలాధ్యక్షుడిగా పని చేసిన పి.కిష్టయ్య వర్గం వారు వ్యతిరేకిస్తున్నారు.నూతన అధ్యక్షుడిగా కె.కృష్ణను అంగీకరించేది లేదంటూ,అతని నియామకం చెల్లదంటూ వేరు కుంపటికి సిద్ధమయ్యారు.