విజేత డిగ్రీ పిజి కళాశాల ఆధ్వర్యంలో మెగా జాబ్ మేళా

ప్రిన్సిపల్ తెడ్ల ధనుంజయ.

జనం సాక్షి, మిర్యాలగూడ
స్థానిక విజేత డిగ్రీ అండ్ పీజీ కళాశాల ఆధ్వర్యంలో ఈనెల 8వ తేదీన ఎంఎస్ఎన్ లేబరేటరీస్ సహకారంతో మెగా జాబ్ మేళా కార్యక్రమాన్ని నిర్వహిస్తున్నట్లు కళాశాల ప్రిన్సిపల్ తెడ్ల ధనంజయ తెలిపారు. మంగళవారం స్థానికంగా విలేకరులతో మాట్లాడుతూ జీవితంలో అనేక అవకాశాలు వస్తాయి కానీ, మంచి అవకాశాలు కొన్ని సందర్భాల్లో మాత్రమే వస్తాయని వాటిని సద్వినియోగం చేసుకుంటేనే విజేతగా నిలుస్తామన్నారు. జిల్లావ్యాప్తంగా ఎన్నో జాబ్ మేళా నిర్వహించి వేలాది మందికి ఉద్యోగాలు కల్పించిన ఘనత తమ కళాశాలదని అన్నారు. హైదరాబాద్ కేంద్రంగా ఉద్యోగ అవకాశాలు గల ఎం ఎస్ ఎన్ లేబరేటరీలో పదవ తరగతిలో 60% మార్కులతో పాస్ అయి, ఇంటర్లో బైపీసీ, ఎంపీసీ, ఒకేషనల్ విభాగాల్లో ఒకేసారి ఉత్తీర్ణత అయిన 2022 – 23 బ్యాచ్ ల వారు 20 సంవత్సరాల లోపు విద్యార్థిని విద్యార్థులు ఈ ఉద్యోగాలకు అర్హులని పేర్కొన్నారు. ఇందులో కనీస వేతనంగా రూ 11 వేల రూపాయలు కాగా ఇతర సదుపాయాలు కూడా ఉంటాయని, ఉన్నత విద్య డీఎస్సీలో చదివేందుకు గాను సంస్థ ఉచిత ఏర్పాట్లు చేస్తున్నారు. ఆసక్తిగల విద్యార్థిని, విద్యార్థులు ఈనెల 8వ తేదీ శుక్రవారం ఉదయం 9 గంటల నుండి కళాశాల ప్రాంగణంలో తమ పాస్ ఫోటో, ఆధార్ కార్డు జిరాక్స్, విద్యార్హతల జిరాక్స్ లతో హాజరు కావాలని ఆయన కోరారు.