న్యూ బ్రిలియంట్ స్కూల్ లో ఉపాధ్యాయ దినోత్సవ వేడుకలు

నార్కట్ పల్లి సెప్టెంబర్ 5 జనంసాక్షి : నార్కట్ పల్లి మండలంలోని అమ్మనబోలు గ్రామంలో న్యూ బ్రిలియంట్ స్కూల్ లో మంగళవారం డా. సర్వేపల్లి రాధాకృష్ణన్ జయంతిని పురస్కరించుకొని ఉపాద్యాయ దినోత్సవాన్ని ఘనంగా నిర్వహించారు. ముందుగా స్కూల్ చైర్మన్ కొమిరి శెట్టి పాండు, ప్రిన్సిపల్ కమ్మంపాటి అంజయ్య గౌడ్ , డైరెక్టర్ పెండ్యాల నర్సింహా లు సర్వేపల్లి రాధాకృష్ణన్ చిత్రపటానికి పూలమాల వేసి జ్యోతి ప్రజ్వలన చేశారు. ఉపాద్యాయ దినోత్సవం సందర్భంగా ఉపాధ్యాయిని, ఉపాధ్యాయులను ఘనంగా విద్యార్థిని, విద్యార్థులు సత్కరించారు. ఉపాధ్యాయిని, ఉపాధ్యాయులు ప్రసంగిస్తూ విద్యార్థులు కృషి, పట్టుదల, అంకితభావం కలిగి ఉండాలన్నారు. సర్వేపల్లి రాధాకృష్ణన్ ని ఆదర్శంగా తీసుకోని అందరు విద్యార్థిని, విద్యార్థులు ఉన్నత శిఖరాలకు చేరుకోవలన్నారు. అనంతరం శ్రీ కృష్ణజన్మాష్టమి వేడుకలను ఘనంగా నిర్వహించారు. విద్యార్థిని, విద్యార్థులు గోపిక , కృషుని వేషధారణలో అలరించి ఉట్లు కొట్టి వేడుకలను ఘనంగా నిర్వహించారు. ఈ కార్యక్రమంలో స్కూల్ చైర్మన్ కొమిరి శెట్టి పాండు, ప్రిన్సిపల్ కమ్మంపాటి అంజయ్య గౌడ్, డైరెక్టర్ పెండ్యాల నర్సింహా, ఉపాధ్యాయులు జానయ్య, ఉమరాణీ, పుష్ప, రాణి అరుణ,చంద్రకళ, ప్రియాంక,సుమలత, మహేష్, నరహరి తదితరులు పాల్గొన్నారు