సమాజంలో జర్నలిస్టుల పాత్ర మరువలేనిది

వాసవి క్లబ్ సేవలు హర్షనీయం.
జిల్లా ఎస్పీ మనోహర్.
ఆర్యవైశ్య జర్నలిస్టులకు ఘన సన్మానం.
నాగర్ కర్నూల్ బ్యూరో, జనంసాక్షి :సమాజంలో జర్నలిస్టుల పాత్ర మరువలేని దని నాగర్ కర్నూల్ జిల్లా ఎస్పీ మనోహర్ అన్నారు.బుధవారం జర్నలిస్టు డే సందర్భంగా స్థానిక వాసవి క్లబ్ ఆధ్వర్యంలో జిల్లా కేంద్రంలోని కన్యకా పరమేశ్వరి ఆలయ ఆవరణలో ఆర్యవైశ్య జర్నలిస్టులను సన్మానించారు.ఈ సందర్భంగా కార్యక్రమానికి హాజరైన ఆయనకు పుష్పగుచ్చం అందించి శాలువాతో సన్మానించారు.ఈ సందర్భంగా ఆలయంలో ప్రత్యేక పూజలు నిర్వహించిన అనంతరం ఏర్పాటు చేసిన కార్యక్రమానికి క్లబ్ అధ్యక్షులు చిగుళ్లపల్లి జ్యోతి రమణ అధ్యక్షత వహించడం జరిగింది.ఈ సందర్భంగా ముఖ్య అతిథిగా హాజరైన ఎస్పీ మనోహర్ మాట్లాడుతూ జర్నలిస్టులు నిజాలను నిర్భయంగా రాస్తూ సమాజంలో ఉన్న సమస్యలను వెలికితీస్తూ ప్రభుత్వానికి ప్రజలకు మధ్య వారదులుగా పనిచేస్తున్నారని అన్నారు. జర్నలిస్టుల సేవలు కృషి మరువలేనివని అన్నారు. జర్నలిస్టు డే సందర్భంగా వాసవి క్లబ్ జర్నలిస్టులను సన్మానించడం అభినందనీయమని వాసవి క్లబ్ భవిష్యత్తులో కూడా ఇలాంటి సేవా కార్యక్రమాలను ప్రజలకు ఉపయోగపడే కార్యక్రమాలు నిర్వహించాలని సూచించారు.ఈ సందర్భంగా ఇంటర్నేషనల్ వైస్ ప్రెసిడెంట్ హకిం రాజేష్ మాట్లాడుతూ వాసవి క్లబ్ ప్రాధాన్యతను చేస్తున్న సేవా కార్యక్రమాలను వివరిస్తూ సమాజంలో సేవలను లక్ష్యంగా 1964 నుండి పనిచేస్తున్నదని ఈ సంస్థను కేసి గుప్తా అనే ఆర్యవైశ్యుడు ప్రారంభించి కొద్దిగా ఉన్న జర్నలిస్టులను వారితో ముఖాముఖి కార్యక్రమాన్ని ఏర్పాటు చేయాలని ఉద్దేశంతో ఆనాటి నుండి ఈనాటి వరకు వాసవి క్లబ్ జర్నలిస్టులను ముఖాముఖి జర్నలిస్టులతో ముఖాముఖి కార్యక్రమాలను చేపడుతున్నదని ఆయన అన్నారు. జర్నలిస్టులు సమాజానికి ఎంతో ఉపయోగకరమైన వారని కొనియాడారు. ఈ కార్యక్రమంలో జాతీయ ఆర్యవైశ్య మహాసభ జిల్లా అధ్యక్షులు బచ్చు రామకృష్ణ ప్రసంగించారు.సీనియర్ జర్నలిస్టులు కందికొండ మోహన్,హాకీం కిషోర్,జర్నలిస్టులు కంచర్ల శ్యాంసుందర్, కందికొండ రమేష్,మల్లిపెద్ది రమేష్, వెంకటేష్,బాదం పరమేష్,పాలాది యాదయ్య, బుశెట్టి విజయభాస్కర్, అల్లంపల్లి రమేష్,పోలా శివప్రసాద్,హకీమ్ భరత్,గంధం ప్రసాద్, శ్రీహర్ష, చిగుళ్లపల్లి రమణ లను జిల్లా ఎస్పీ సన్మానించారు.ఈ కార్యక్రమంలో వాసవి క్లబ్ చార్టర్ ప్రెసిడెంట్ వాసా రమేష్ బాబు పూర్వపు అధ్యక్షులు కోట్ర బాలాజీ డివి నారాయణ బాదం శివకుమార్ గంధం ప్రసాద్ కోశాధికారి అర్చన రవికుమార్ నాయకులు మోహన్ వనిత క్లబ్ చార్టర్ ప్రెసిడెంట్ శ్రీదేవి నాయకులు హేమారాణి గీతారాణి గీత పూర్ణిమ తదితరులు పాల్గొన్నారు.