ఘనంగా కృష్ణాష్టమి వేడుకలు

వేములవాడ, సెప్టెంబర్ 6 (జనంసాక్షి): వేములవాడ పట్టణం,గ్రామీణ పాఠశాలల్లో బుధవారం ముందస్తు కృష్ణాష్టమి వేడుకలను ఘనంగా నిర్వహించారు. కేరళ మోడల్ స్కూల్, కృష్ణవేణి టెక్నో, కృష్ణవేణి టాలెంట్, వివేకానంద, సంగమిత్ర, శ్రీ చైతన్య పాఠశాల చిన్నారులు చిన్ని కృష్ణ, గోపికమ్మ వేషధారణలో ఆకట్టుకున్నారు. ఉపాధ్యాయులు చిన్నారులచే ఉట్టికొట్టే కార్యక్రమాన్ని నిర్వహించగా ఉత్సాహంగా పాల్గొన్నారు. చిన్నారులు నృత్యాలు చేస్తూ సంబరాలు చేసుకున్నారు. ఆయా పాఠశాలలో కరస్పాండెంట్లు, ప్రధానోపాధ్యాయులు మనోజ్-సతి, సన్నిధి వెంకట కృష్ణ, శ్రీనివాస్, గడీల ప్రసాద్-సృజన, ఉపాధ్యాయులు సుధీర్, అనిల్, తొగరి వెంకటేష్ తదితరులు పాల్గొన్నారు.