ఎర్రవల్లి చౌరస్తాలో బిఆర్ టియు జెండా ఆవిష్కరణ

ఇటిక్యాల (జనంసాక్షి) సెప్టెంబర్ 7 :జోగులాంబ గద్వాల జిల్లా, ఇటిక్యాల మండల పరిధిలోని ఎర్రవల్లి చౌరస్తాలో గురువారం బి.ఆర్.టి.యు జెండా ఆవిష్కరణ కార్యక్రమాన్ని బిఆర్టియు డ్రైవర్ల అసోసియేషన్ఆధ్వర్యంలో నిర్వహించారు. ఈ కార్యక్రమానికి ముఖ్య ఆహ్వానితులుగా రాష్ట్ర ఎమ్మెల్సీ చల్లా వెంకటరామిరెడ్డి, ఢిల్లీలో తెలంగాణ రాష్ట్ర ప్రభుత్వ ప్రత్యేక అధికార ప్రతినిధి, మాజీ ఎంపీ డాక్టర్ మంద జగన్నాథం, అలంపూర్ నియోజకవర్గం బిఆర్ఎస్ పార్టీ మాజీ ఇంచార్జి మంద శ్రీనాథ్ లు హాజరై బి.ఆర్.టి.యు జెండాను ఆవిష్కరించారు. ఈ సందర్భంగా వారు మాట్లాడుతూ డ్రైవర్లందరూ అన్నదమ్ముల్లాగా కలిసి ఉండాలన్నారు. ఈ కార్యక్రమంలో జడ్పిటిసి హనుమంత్ రెడ్డి, ఎర్రవల్లి బిఆర్టియు యూనియన్ అధ్యక్షులు ఉపేంద్ర బాబు, షేక్ పల్లె సర్పంచ్ రవీందర్ రెడ్డి, కొండేరు ఎంపీటీసీ బొట్టిబిళ్ళ వీరన్న తో పాటు డ్రైవర్ల యూనియన్ సభ్యులు పాల్గొన్నారు.