సూర్యాపేట ప్రతినిధి(జనంసాక్షి): జగదీషన్న కప్ క్రీడా పోటీల్లో భాగంగా జిల్లా కేంద్రంలోని 43వ వార్డు నెహ్రూ నగర్ లో మున్సిపల్ కో ఆప్షన్ మెంబర్ బత్తుల ఝాన్సీ రమేష్ ఆధ్వర్యంలో ముగ్గుల పోటీలను ఘనంగా నిర్వహించారు.ఈ పోటీలలో మహిళలు అధిక సంఖ్యలో పాల్గొని వివిధ రంగులతో వేసిన ముగ్గులు ఆకట్టుకున్నాయి.ఈ సందర్భంగా ఆమె మాట్లాడుతూ ప్రతి ఒక్కరిలో క్రీడా స్ఫూర్తిని పెంపొందిస్తూ వారిలో దాగి ఉన్న ప్రతిభను వెలికి తీసేందుకు జగదీషన్న కప్ పోటీలు దోహదపడతాయన్నారు.జగదీషన్న కప్ క్రీడా పోటీలతో వార్డులో పండుగ వాతావరణం నెలకొందన్నారు.ఈ పోటీలలో మహిళలు, యువత ఉత్సాహంగా పాల్గొంటున్నారని అన్నారు.ఈ పోటీలకు ముఖ్యఅతిధులుగా నాయకులు జ్యోతి కరుణాకర్, బైరబోయిన శ్రీనివాస్ హాజరయ్యారు.ఈ సందర్భంగా వారిని ఘనంగా సన్మానించారు.ఈ కార్యక్రమంలో బీఆర్ఎస్ పట్టణ ఉపాధ్యక్షురాలు సారంగుల కరుణశ్రీ , బీఆర్ఎస్ పార్టీ వార్డ్ ఇంచార్జ్ బత్తుల రమేష్ , పార్టీ వార్డ్ ప్రధాన కార్యదర్శి మీనయ్య , బీఆర్ఎస్ మహిళా వార్డ్ అధ్యక్షురాలు బత్తుల కౌసల్య , కార్యదర్శి నల్లపాటి ప్రమీల, వార్డ్ ఎస్సీ సెల్ అధ్యక్షులు నామా వేణు, ఎస్సీ సెల్ మహిళ అధ్యక్షురాలు నామా రాంబాయమ్మ , బత్తుల నాగరాజు నిమ్మనగోటి వెంకన్న తదితరులు పాల్గొన్నారు.