చౌటుప్పల్‌: ఆర్‌అండ్‌బీ శాఖ ఆధ్వర్యంలో చౌటుప్పల్లో నిర్మిచనున్న రోడ్డు పనులను మునుగోడు ఎమ్మెల్యే యాదగిరిరావు సోమవారం ప్రారంభించారు. ఈ సందర్భంగా ఎమ్మెల్యే మాట్లాడుతూ చౌటుప్పల్‌ , చిన్నకొండూరు, గుడి మల్కాపురం గ్రామాల వద్ద రోడ్డు నిర్మాణం పనులకు ఆర్‌అండ్‌బీ శాఖ ద్వారా రూ. 45 లక్షలు మంజూరయ్యాయని తెలిపారు. నియోజకవర్గంలోని ప్రధాన గ్రామాలకు పక్కా రోడ్డు సౌకర్యం కల్పించేందుకు కృషి చేస్తున్నట్లు ఆయన తెలిపారు. ఈ కార్యక్రమంలో ఆర్‌అండ్‌బీ శాఖ డీఈ సుదర్శన్‌ తదితరులు పాల్గొన్నారు.