Coconut Water: మండే ఎండల కారణంగా చాలా మంది డీ హైడ్రేషన్‌కు గురవుతున్నారు. అయితే ఈ పెరుగుతున్న ఉష్ణోగ్రతల కారణంగా శరీరాన్ని హైడ్రేట్‌గా ఉంచకోవడం ఎంతో మేలు. లేదంటే అనారోగ్య సమస్యలు వచ్చే అవకాశాలున్నాయని వైద్య నిపుణులు తెలుపుతున్నారు. అయితే శరీరానికి మేలు చేసే అనేక రకాల జ్యూస్‌లు మార్కెట్‌లో అందుబాటులో ఉన్నాయి. కానీ ఇవి ఊహించిన ఫలితాలు ఇవ్వలేకపోతున్నాయని ఆరోగ్య నిపుణులు పేర్కొన్నారు. వేసవిలో శరీరాన్ని ఆరోగ్యంగా ఉంచేందుకు కొబ్బరి నీళ్లు ఎంతో మేలు చేస్తాయని నిపుణులు భావిస్తున్నారు. ఇందులో కాల్షియం, మెగ్నీషియం, ఫాస్పరస్, సోడియం విలువలు అధికంగా ఉంటాయని..94 శాతం నీరు ఉండడం వల్ల శరీరానికి చాలా మేలు చేస్తాయని ఆరోగ్య నిపుణులు తెలుపుతున్నారు.  కొబ్బరి నీళ్లను తాగడం వల్ల కలిగే ఇతర ప్రయోజనాలను తెలుసుకుందాం.

శరీరంలో శక్తిని రెట్టింపు చేస్తుంది:

పెరుగుతున్న వేడి కారణంగా శరీరంలో శక్తి స్థాయి తగ్గిపోతుంది. కాబట్టి కొబ్బరి నీళ్లు శక్తిని పెంచడానికి ఎంతో ప్రయోజనకరంగా ఉంటుందని ఆరోగ్య నిపుణులు పేర్కొన్నారు.

శరీరంలోని చక్కెర స్థాయిని తగ్గిస్తుంది:

శరీరంలోని చక్కెర స్థాయిని అదుపులో ఉంచేందుకు కృషి చేస్తుంది.  ఇన్సులిన్ లోపం వల్ల మధుమేహ సమస్యతో బాధపడుతున్న వారు కొబ్బరి నీళ్లను తాగడం మంచిదని నిపుణులు తెలిపారు. ఇది శరీరంలో ఇన్సులిన్ పరిమాణాన్ని పెంచుతుంది.

కిడ్నీలకు కూడా మేలు చేస్తుంది:

మూత్రపిండాల వ్యాధులతో బాధపడుతున్న వారికి ఇది చాలా ఉపయోగకరంగా ఉంటుంది.  ఇది మూత్రం ద్వారా మూత్రపిండాల నుంచి రాళ్లను తొలగిస్తుంది.  అంతే కాకుండా చర్మాన్ని తేమగా ఉంచడానికి సహాయపడుతుంది.