వెల్దుర్తి, నవంబర్30 ( జనం సాక్షి):

వెల్దుర్తి మండలం లో నాలుగు గ్రామాల ప్రజల ధర్నా

జిల్లా కేంద్రమైన మెదక్ నుండి వెల్దుర్తి మండల కేంద్రానికి గల
రోడ్డును బాగు చేయకుంటే స్థానిక సంస్థల ఎన్నికలను బహిష్కరిస్తామని మండలంలోని రామయపల్లి, బండ పోసానిపల్లి, ఎదులపల్లి, కలానుశెట్టిపల్లి గ్రామాల ప్రజలు ప్రభుత్వాన్ని హెచ్చరించారు. ఆదివారం కలాను
శెట్టిపల్లి గ్రామానికి వెళ్లే రోడ్డుకు అడ్డంగా బైఠాయించి ధర్నా నిర్వహించారు. జిల్లాకేంద్రానికి ,
మండల కేంద్రానికి దగ్గర్లోఉన్న
తమ గ్రామాలు రోడ్డు పూర్తిగా ధ్వంసం కావడంతో తమ గ్రామాలు అన్ని రంగాల్లోఅభివృద్ధికి ఆమడ దూరంలో ఉన్నాయని ప్రజలు పాలకులతీరుపై మండిపడ్డారు. ఇప్పటికే రోడ్డు పూర్తిగా గుంతలు పడి ప్రమాదకరంగామారడంతో ఇది రోడ్డు గుండా ప్రయాణించిన ఎద్దులపల్లి గ్రామానికి చెందిన రవి, బండ పోసాని పల్లి గ్రామానికి చెందిన పిరయ్య, రామయపల్లికి చెందిన పుష్పమ్మ, కలాను శెట్టిపల్లి
చెందిన వీరయ్యలు ద్విచక్ర వాహనాలపై నుండిపడి మృతి చెంది కుటుంబాలు పెద్ద దిక్కును కోల్పోయాయని గ్రామస్తులు ఆవేదన వ్యక్తం చేశారు. రోడ్డు దుస్థితి అధ్వానంతో గ్రామానికి వైద్య సేవలనిమిత్తంవచ్చే అంబులెన్స్లు రావడంలేదని అలాగే ప్రభుత్వ పాఠశాలకు విద్య బోధన చేసేఉపాధ్యాయులు పలు రంగాల్లో సేవలు చేసే ఉద్యోగులు సైతం గ్రామాలకు రావడానికి ఇబ్బందులు పడుతున్నారని ఆయా గ్రామాల ప్రజలు తెలిపారు.
చివరకు తమ గ్రామాలకు రోడ్ల పరిస్థితి చూసి పిల్లలను కూడా ఇవ్వడం లేదని ఆయాగ్రామాల పెద్దలు యువకులు తెలిపారు. ఇప్పటికైనా ప్రభుత్వం మెదక్ – వెల్దుర్తి రహదారిని విస్తరణ చేసి
తమ ప్రధాన సమస్యలను తీర్చాలని ప్రభుత్వానికి విజ్ఞప్తి చేశారు .