రాజన్న సిరిసిల్ల బ్యూరో, నవంబర్ 30 (జనంసాక్షి)

కూరపాటి రమేష్ ,సిఐటియు రాష్ట్ర కార్యదర్శి.

సిరిసిల్ల సిఐటియు జిల్లా నాలుగో మహాసభలు.

కార్మికులు ఐక్య పోరాటాలు నిర్మించవలసిన అవసరం ఉందని సిఐటియు రాష్ట్ర కార్యదర్శి కూరపాటి రమేష్ అన్నారు. ఆదివారం సిరిసిల్ల పట్టణంలోని బి.వై. నగర్ లో సిఐటియు నాల్గవ జిల్లా మహాసభలను నిర్వహించారు. కార్యక్రమానికి ముఖ్య అతిథిగా సిఐటియు రాష్ట్ర కార్యదర్శి కూరపాటి రమేష్, రాష్ట్ర ఉపాధ్యక్షులు ఎస్వి రమ, హాజరయ్యారు ఈ సందర్భంగా కార్మికులను ఉద్దేశించి మాట్లాడుతూ ప్రస్తుతం కార్మికుల హక్కులను కాలరాస్తున్న కేంద్ర ప్రభుత్వం తీరుపై మండిపడ్డారు. హక్కులను సాధించుకోవడం కోసం కార్మికులు ఐక్య పోరాటాలకు సిద్ధం కావాలని పిలుపునిచ్చారు. పలువురు నాయకులు అన్ని రంగాల కార్మికులు కలిసికట్టుగా ముందుకు నడవాలని కోరారు. కార్యక్రమంలో సిఐటియు అనుబంధ సంఘాలు నాయకులు ముషం రమేష్, కొడం రమణ, ఎల్లారెడ్డి, గణేష్, మల్లారపు అరుణ్ కుమార్, ప్రశాంత్, ముక్తికాంత అశోక్, పలువురు నాయకులు కార్మికులు పాల్గొన్నారు.