భద్రాచలంలో సీతారాముల కల్యాణం వైభవోపేతంగా జరిగింది. దివి నుంచి భువికి దిగివచ్చిన దేవ దేవుడి వివాహం భక్త కోటికి కనువిందు చేసింది. అభిజిత్ లగ్న సుముహూర్తాన, ముక్కోటి దేవతలే అతిథులుగా, లక్షలాది భక్త జనులు వీక్షిస్తుండగా, వేదమంత్రాల నడుమ నీలిమేఘ శ్యాముడు పరమ పావని సీతమ్మ ఒక్కటయ్యారు. మిథిలానగరి స్టేడియంలో.. గోదారి తీరాన శ్రీరామచంద్రమూర్తి పెళ్లి వేడుకను కనులారా తిలకించి అశేష భక్త జనం పులకించిపోయింది. కల్యాణోత్సవానికి హాజరైన ముఖ్యమంత్రి కేసీఆర్, స్వామి వారికి పట్టు వస్త్రాలు ముత్యాల తలంబ్రాలు సమర్పించారు.