హైదరాబాద్‌, (మార్చి 4): మరో మూడు రోజుల్లో రెండు రాష్ర్టాల అసెంబ్లీ బడ్జెట్‌ సమావేశాలు ప్రారంభం కానుండడంతో ఇవాళ రెండు రాష్ర్టాల స్పీకర్లు, మండలి చైర్మన్లు అసెంబ్లీహాల్‌లో సమావేశమయ్యారు. రెండు రాష్ర్టాల అసెంబ్లీ సమావేశాల నిర్వహణపై వారు సమీక్షా సమావేశాన్ని నిర్వహించారు. ఈ సమావేశంలో ఇరు రాష్ర్టాల ఉన్నతాధికారులు, పోలీసు అధికారులు పాల్గొన్నారు. రెండు రాష్ర్టాల సిబ్బంది సమన్వయంతో పని చేయాలని నిర్ణయించారు. అసెంబ్లీలోని అన్ని గేట్టను రెండు రాష్ర్టాలూ ఉపయోగించుకోవాలని నిర్ణయించారు. సమావేశాలు ప్రారంభమైన మూడు రోజుల తర్వాత మరోసారి సమావేశం కావాలని నిర్ణయించారు.
