మీర్పెట్ హెచ్ బి కాలనీ శ్రీ సూర్య యూత్ అసోసియేషన్ ఆధ్వర్యంలో జరిగిన 125వ జయంతి వేడుకల సందర్భంగా మీర్పెట్ హెచ్ బి కాలనీ డివిజన్ పరిధిలోని హౌసింగ్ బోర్డు మెయిన్ రోడ్డులో గల అల్లూరి సీతారామరాజు విగ్రహానికి పూలమాల వేసి నివాళులు అర్పించిన ఎమ్మెల్యే భేతి సుభాష్ రెడ్డి, స్థానిక కార్పొరేటర్  జెరిపోతుల ప్రభుదాస్ , మాజీ కార్పొరేటర్ కొత్త రామారావు. ఈ సందర్భంగా ఎమ్మేల్యే మాట్లాడుతూ అల్లూరి సీతారామరాజు మహోన్నత వ్యక్తి అని, భారత స్వాతంత్ర్య చరిత్రలో అల్లూరి సీతారామారాజు ఒక మహోన్నతమైన శక్తి అని, భారత స్వాతంత్ర్యం కోసం పోరాడిన యోధుడు అని, ప్రజల హక్కుల కోసం, స్వాతంత్ర్య పోరాటం కోసం 27 ఏళ్ల వయసులోనే ప్రాణత్యాగం చేసిన వీరుడు అని, రెండు సంవత్సరాల పాటు బ్రిటిషన్లకు కంటినిండా నిద్రలేకుండా గడగడలాడించిన వ్యక్తి అల్లూరి అని గుర్తు చేశారు. ఈ కార్యక్రమంలో శ్రీ సూర్య యూత్ అసోసియేషన్ సభ్యులు డివీఎస్ఎస్ రాజు, మధువర్మ, అల్లూరి వాసు రాజు, నాయకులు గరిక సుధాకర్, కాసం మహిపాల్ రెడ్డి, జయరామరాజు, గడియారం రామకృష్ణ, నవీన్ గౌడ్, రమేశ్, శేఖర్ తదితరులు పాల్గొన్నారు.