ఏలూరు,మే31(జ‌నం సాక్షి): పశ్చిమగోదావరి జిల్లాలో జరిగినరోడ్డు ప్రమాదంలో ఇద్దరు మృతి చెందారు.  భీమవరం మండలం జన్నల గురువు గ్రామంలో మట్టి టాక్టర్‌, ఆటో ఢీ కొనడంతో ఇద్దరు చనిపోగా పలువురికి గాయాలయ్యాయి. సమాచారం అందుకున్న పోలీసులు ఘటన స్థలాన్ని పరిశీలించి మృతదేహాలను ప్రభుత్వ ఆసుపత్రికి తరిలించారు. మృతి చెందిన వారు మత్స్యపురి గ్రామస్తులుగా గుర్తించారు. ఘటనలో మరో ముగ్గురు తీవ్రంగా గాయపడ్డారు. గాయపడిన వారి పరిస్థితి విషమంగా ఉంది. గాయపడిన వారిని ఆస్పత్రికి తరలించారు. వేగంగా వెళుతున్న ట్రాక్టర్‌ ఆటోను ఢీకొనడంతో ఈ ప్రమాదం జరిగింది. పోస్టుమార్టం కోసం మృతదేహాలను ఆస్పత్రికి తరలించారు. బాధితుల వివరాలు తెలియరాలేదు. ఈ ఘటనపై కేసు నమోదు చేసి విచారిస్తున్నట్టు పోలీసులు తెలిపారు.