అనకాపల్లి,ఆగస్ట్‌6(జ‌నం సాక్షి ): అనకాపల్లి మండలంలోని కొత్తూరు జంక్షన్‌ వద్ద సోమవారం ప్రమాదం చోటు చేసుకుంది. ఆటోని వెనుక నుంచి ఆర్టీసీ బస్సు ఢీకొంది. ప్రమాదంలో ఇద్దరు మృతి చెందగా, నలుగురుకి తీవ్ర గాయాలయ్యాయి. గాయాలైనవారిని స్థానికులు ఆసుపత్రికి తరలించారు. విజయవాడ నుంచి వైజాగ్‌ కు వస్తున్న ఆర్టీసీ బస్సు అదే రూట్‌లో కశింకోట నుంచి అనకాపల్లి వస్తున్న ఆటోని ఢీ కొట్టింది. ఘటనా స్థలానికి చేరుకున్న పోలీసులు మృతి చెందిన వ్యక్తులలో ఒకరు కశింకోట దొడ్డి ఈశ్వరావు (50), శింగవరంకు చెందిన జామి లక్షీ (36) లుగా గుర్తించారు. అనంతరం కేసు నమోదు చేసుకుని దర్యాప్తు చేస్తున్నారు.