చేర్యాల (జనంసాక్షి) జూన్ 23 : హుస్నాబాద్ నుండి హైదరాబాద్ వెళ్తున్న హుస్నాబాద్ డిపో ఆర్టీసీ బస్సు చేర్యాల మండలం కడవేర్లు గ్రామ శివారులో గురువారం ఎదురుగా వస్తున్న వాహనాన్ని తప్పించబోయి బస్సు డ్రైవర్ రోడ్డు పక్కకు దింపాడు. గత కొద్ది రోజులుగా కురిసిన వర్షానికి రోడ్డు మెత్తబడి బస్సును గుంతలో పడి ఒక వైపు ఒరిగింది. దీంతో ఒక్కసారిగా ప్రయాణికులు భయాందోళనకు గురయ్యారు. డ్రైవర్ బస్సును అక్కడే నిలిపివేయడంతో ప్రయాణికులు బస్సు దిగి ఊపిరిపీల్చుకున్నారు.