శ్రీకాకుళం,జూన్‌13(జ‌నం సాక్షి): ఆర్‌టిసి బస్సులు ఢీకొని వ్యక్తికి గాయాలైన సంఘటన మంగళవారం రాత్రి సుందరపేట సవిూపంలో చోటుచేసు కుంది. విశాఖపట్నం నుండి శ్రీకాకుళం వైపు వెళ్తున్న ప్లలె వెలుగు బస్సును అదే మార్గంలో వెళ్తున్న నాన్‌స్టాప్‌ బస్సు వెనుక నుండి బలంగా ఢకొనడంతో అందులో ప్రయాణిస్తున్న వారు భయాందోళ నకు గురయ్యారు. వారంతా స్వల్ప గాయాలతో బయటపడ్డారు. ఈ ప్రమాదంలో శ్రీకాకుళం జిల్లాకు చెందిన సతీష్‌ అనే యువకునికి గాయాలయ్యాయి. ఇతనిని వెంటనే 108 వాహనంపై సుందరపేట పిహెచ్‌సికి తరలించారు. సంఘటనా స్థలానికి ఎస్‌ఐ జె.తారకేశ్వరరావు చేరుకుని క్షతగాత్రులను ఆసుపత్రికి తరలించారు. కేసును పోలీసులు దర్యాపు చేస్తున్నారు.