ఆల్మంట్కిడ్ సిరప్ విషపూరితమైనది
` తక్షణం వినియోగాన్ని ఆపివేయండి
` తెలంగాణ డ్రగ్స్ కంట్రోల్
హైదరాబాద్(జనంసాక్షి):ఆల్మంట్ కిడ్ సిరప్ వినియోగాన్ని నిలిపివేయాలని తెలంగాణ డ్రగ్ కంట్రోల్ అడ్మినిస్ట్రేషన్ ఆదేశించింది. సిరప్లో ఇథలీన్ గ్లైకాల్ కలుషితమై విషపూరితమైనట్లు గుర్తించారు. ఈ మేరకు కోల్కతాలోని సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ నుంచి హెచ్చరిక అందింది. ఇది ఎవరివద్దనైనా ఉంటే.. వాడకం, విక్రయాలు నిలిపివేయాలని సూచించింది. దీంతో తెలంగాణ డ్రగ్స్ కంట్రోల్ అడ్మినిస్ట్రేషన్ హెచ్చరిక నోటీసు జారీ చేసింది. పిల్లలకు వాడే సిరప్ కావడంతో అప్రమత్తంగా ఉండాలని సూచించింది.
