తెలంగాణ జన సమితి మేడ్చల్ మల్కాజిగిరి జిల్లా ఆధ్వర్యంలో మల్కాజ్గిరి  నియోజకవర్గంలో అల్వాల్ చౌరస్తా ప్రొఫెసర్ జయశంకర్ సార్ కు పూలదండ వేసి నివాళులు అర్పించి ఈ నెల6న ఇందిరా పార్కు దగ్గర నిర్వహించే తెలంగాణ ఆత్మగౌరవ దీక్ష కు ప్రజలు విజయవంతం చేయాలని మేడ్చల్ మల్కాజిగిరి జిల్లా అధ్యక్షులు భద్రగమ ఆంజనేయులు పిలుపునిచ్చారు. శనివారం ఈ సందర్భంగా జిల్లా అధ్యక్షులు మాట్లాడుతూ ప్రొఫెసర్ జయశంకర్ సార్ నుయాది చేసుకుంటూ తెలంగాణ ఉద్యమంలో అల్వాల్ ప్రాంతం నుండి తెలంగాణ కొరకు తెలంగాణ వచ్చే వరకుదీక్ష చేయడం జరిగింది.అల్వాల్ ప్రాంతానికి ప్రత్యేకమైన గుర్తింపు ఉంది. తెలంగాణ ఉద్యమంలో ముందుండి పోరాటం చేయడంలో మల్కాజిగిరి ప్రాంత వాసులు ముందుండి ఉద్యమం చేయడం జరిగింది. తెలంగాణలో ఆత్మగౌరవం దెబ్బతిన్నదని అదే దిశగా కేసీఆర్ ప్రభుత్వాన్ని గద్దె దించే వరకు తెలంగాణ జన సమితి ఉద్యమం చేస్తుందని తెలియజేస్తూ ఈ నెల 6న నిర్వహించే తెలంగాణ ఆత్మగౌరవ దీక్ష సభను విజయవంతం చేయాలని పిలుపునివ్వడం జరిగింది.

ఈ కార్యక్రమంలో జిల్లా ప్రధాన కార్యదర్శి దయాకర్ పాల్గొని మాట్లాడుతూ మల్కాజిగిరి నియోజకవర్గం నుండి తెలంగాణవాదులు అధిక సంఖ్యలో విచ్చేసి ఈ కార్యక్రమాన్ని విజయవంతం చేయాలని పిలుపునిచ్చారు. ఈ కార్యక్రమంలో టీజేఎస్ నాయకులు విజయ్ కుమార్, విజయ్, రాజు, రవి, తదితరులు పాల్గొన్నారు.