జనంసాక్షి, చిన్నంబావి : ఉమ్మడి పాలమూరు జిల్లా స్థాయి క్రికెట్ టోర్నమెంట్ ను కొల్లాపూర్ ఎమ్మెల్యే బీరం హర్షవర్ధన్ రెడ్డి ప్రారంభించారు. మంగళవారం చిన్నబావి మండలం పెద్దమరూర్ గ్రామంలో ధ్వజ స్థంభం మరియు బొడ్రాళ్ళ పండగ సందర్భంగా కీ.శే,||.గోవిందు కిష్టమ్మ రాంరెడ్డి గార్ల జ్ఞాపకార్ధం గ్రామ సర్పంచ్ గోవిందు శ్రీధర్ రెడ్డి నిర్వహిస్తున్న ఉమ్మడి పాలమూరు జిల్లా స్థాయి క్రికెట్ టోర్నమెంట్ ను టాస్ వేసి ప్రారంభించిన ఎమ్మెల్యే శ్రీ బీరం హర్షవర్ధన్ రెడ్డి తదనంతరం ఎమ్మెల్యే క్రీడాకారులతో కలిసి సరదాగా కాసేపు క్రికెట్ ఆడి వారిని ఉత్సాహ పరిచారు.ఈ సందర్భంగా ఎమ్మెల్యే మాట్లాడుతూ.. గ్రామీణ ప్రాంతాల నుండి క్రీడాకారులను వారిలో దాగి ఉన్న ప్రతిభను వెలికి తీయడానికి ఏర్పాటు చేసిన ఈ క్రికెట్ టోర్నమెంట్ క్రీడాకారులకు ఎంతో ఉపయోగపడుతుంది అని అన్నారు.క్రీడలు క్రమశిక్షణ, నాయకత్వ లక్షణాలను పెంచుతాయి అని, అదే విదంగా ఫిజికల్ ఫిట్ నెస్ తో పాటు మెంటల్ ఫిట్ నెస్ కూడా స్ట్రాంగ్ గా ఉంటుంది అని అన్నారు. తెలంగాణ ప్రభుత్వం క్రీడలను ప్రోత్సహించేందుకు ప్రతి గ్రామాన తెలంగాణ క్రీడా ప్రాంగణం ఏర్పాటు చేస్తుందని ఈ సందర్భంగా ఎమ్మెల్యే తెలిపారు.ఈ కార్యక్రమంలో ఎమ్మెల్యే పాటు స్థానిక ప్రజాప్రతినిధులు, టీఆర్ఎస్ నాయకులు, క్రీడాకారులు,ప్రజలు తదితరులు పాల్గొన్నారు.