కాంగ్రెస్ పార్టీకి పూర్వవైభవం వస్తుంది
– జనసేన పేదల పార్టీకాదు.. ధనసేన
– విలేకరుల సమావేశంలో కాంగ్రెస్ నేత తులసిరెడ్డి
విజయవాడ, అక్టోబర్15(జనంసాక్షి) : రాష్ట్రంలో కాంగ్రెస్ పార్టీకి అనుకూలంగా నిశ్శబ్ద విప్లవం కొనసాగుతోందని, రాబోయే కాలంలో మళ్లీ పూర్వవైభవం కాంగ్రెస్ పార్టీకి వస్తుందని పీసీసీ ఉపాధ్యక్షుడు తులసిరెడ్డి అన్నారు. విజయవాడలోని ఆంధ్రరత్న భవన్లో నిర్వహించిన విలేకరుల సమావేశంలో ఆయన మాట్లాడారు.. సీడబ్ల్యూసీలో చేసిన రైతు రుణమాఫీ, ఉపాధి హావిూ పథకాన్ని వ్యవసాయానికి అనుసంధానించడం, ఏడాదికి 4 ఉచిత గ్యాస్ సిలిండర్ల, డ్వాక్రా రుణమాఫీ వంటి పథకాలను ప్రజలు
విశ్వసిస్తున్నారన్నారు. గతంలో కాంగ్రెస్ హయాంలోనే రైతు రుణమాఫీ చేశామని.. అందువల్లే కాంగ్రెస్ పార్టీ మళ్లీ చేస్తుందని ప్రజలు నమ్ముతున్నారన్నారు. తూర్పుగోదావరి జిల్లాలో చేపట్టిన జనసేన కవాతును.. ధనసేన కవాతు అంటే బాగుండేదేమోనని అభిప్రాయపడ్డారు. కవాతులో హెలికాప్టర్ల నుంచి పూల వర్షం, ప్రత్యేక విమానాలు వంటివన్నీ చూస్తుంటే నీతులు చెప్పేందుకే ఉన్నాయనిపిస్తోందని తులసిరెడ్డి అన్నారు. మాది పేదల పార్టీ అంటూ ఊకదంపుడుగా చెప్పుకుంటూ వస్తున్న పవన్ కళ్యాణ్కు హెలికాప్టర్ పై నుంచి పూలుచల్లించుకొనే స్థోమత ఎక్కడిదని ప్రశ్నించారు. పవన్ కూడా కేవలం మాటల నాయకుడని తేలిపోయిందన్నారు.
