కామారెడ్డి, గజ్వేల్ నుంచి పోటీ చేస్తున్న‌సీఎం కేసీఆర్
హైదరాబాద్ (జనం సాక్షి) :
2023 అసెంబ్లీ ఎన్నికలకు సంబంధించి బీఆర్ఎస్ అభ్యర్థుల జాబితాను ఆ పార్టీ అధ్యక్షుడు, సీఎం కేసీఆర్ ప్రకటించారు. ఏడు చోట్ల తప్ప మిగతా నియోజకవర్గాల్లో సిట్టింగ్‌ అభ్యర్థులకే ఛాన్స్‌ ఇచ్చినట్లు కేసీఆర్ ప్రకటించారు. గజ్వేల్, కామారెడ్డి స్థానాల్లో తాను పోటీ చేయనున్నట్లు సీఎం చెప్పారు. అసెంబ్లీ బీఆర్ఎస్ ఎమ్మెల్యే అభ్యర్థుల జాబితాను సీఎం కేసీఆర్ (CM KCR) సోమ‌వారం తెలంగాణ భవ‌న్‌లో ప్రకటించారు. పెద్దగా మార్పులేమీ లేవని సీఎం కేసీఆర్ తెలిపారు. కేవలం 7 మార్పులు చేస్తున్నట్టు పేర్కొన్నారు. వేములవాడ, ఖానాపూర్, ఆసిఫాబాద్, ఉప్పల్, కోరుట్ల, స్టేషన్ ఘనపూర్, వైరా సిట్టింగ్స్ మార్పులు చేస్తున్నామన్నారు. మిగతా అన్ని చోట్లా సిట్టింగులతోనే బరిలోకి దిగుతున్నట్టు తెలిపారు. అలాగే తాను కామారెడ్డి, గజ్వేల్ నుంచి పోటీ చేస్తున్న‌ట్లు సీఎం కేసీఆర్ తెలిపారు.
