– ప్రమాదంలో ముగ్గురు మృతి
కడప, జూన్‌5(కారును ఢీకొట్టిన ప్రైవేటు ట్రావెల్స్‌ బస్సు ): ఓ ప్రైవేటు ట్రావెల్స్‌ బస్సు కారును ఢీకొట్టగా ముగ్గురు మృతిచెందిన ఘటన బద్వేలు-మైదుకూరు మార్గంలోని నందిపల్లి సవిూపంలో మంగళవారం తెల్లవారుజామున చోటుచేసుకుంది. బ్రహ్మంగారి మఠం పోలీసులు తెలిపిన వివరాల ప్రకారం.. గుంటూరు జిల్లా నగరం మండలం పూడివాడకు చెందిన సత్యసూర్య నాగేంద్ర శర్మ(50) పని నిమిత్తం ఆదివారం తన డ్రైవర్లు సాలెం రాజు, జాలాది బాలు(23)తో కలిసి కారులో బళ్లారికి బయల్దేరారు. ఈ ముగ్గురు పనిముగించుకొని మంగళవారం తెల్లవారుజామున స్వగ్రామం పూడివాడకు అదే కారులో తిరుగు పయనమయ్యారు. నందిపల్లి సవిూపానికి రాగానే వీరు ప్రయాణిస్తున్న కారును కోకిల ట్రావెల్స్‌కు చెందిన బస్సు ఢీకొట్టింది. ఈ ప్రమాదంలో సత్యసూర్య నాగేంద్ర శర్మ, జాలాది బాలు అక్కడికక్కడే మృతిచెందారు. తీవ్రంగా గాయపడిన సాలెం రాజును బద్వేలు ప్రభుత్వాసుపత్రికి తరలిస్తుండగా.. మార్గమధ్యలోనే మృతిచెందినట్లు పోలీసులు వెల్లడించారు. మృతదేహాలకు శవపరీక్ష నిర్వహించిన అనంతరం వారి కుటుంబీలకు అప్పగించినట్లు వారు తెలిపారు. మృతుల కుటంబీకుల ఫిర్యాదు మేరకు ఈ ఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు పేర్కొన్నారు.