కాకినాడ,జూన్‌12(జ‌నం సాక్షి ): తూర్పుగోదావరి జిల్లా అంజాబీపేట మార్కెట్‌ యార్డులోని కొబ్బరి గోదాం మంగళవారం ఉదయం దగ్ధమైంది. ఈ ప్రమాదంలో కొబ్బరి గోదాంలో కొబ్బరికాయలు, కొబ్బరి బస్తాలతో పాటు ఇతర సామాగ్రి సైతం పూర్తిగా కాలిపోయింది. విషయం తెలుసుకున్న అమలాపురం అగ్నిమాపక సిబ్బంది ఘటనాస్థలికి చేరుకొని మంటలను అదుపు చేశారు. స్థానిక యువకులు గోదాంలో మిగిలి ఉన్న కొబ్బరి బస్తాలను బయటకు తీస్తున్నారు. అగ్నిప్రమాదానికి గల కారణాలు తెలియలేదు.