చేర్యాల (జనంసాక్షి) జులై 06 : బాబు జగ్జీవన్ రామ్ స్పూర్తితో ముందుకు సాగాలని ఎమ్మార్పీఎస్ టీఎస్ సిద్దిపేట జిల్లా అధ్యక్షులు భూమిగారి రాజేందర్ మాదిగ అన్నారు. బుధవారం మండల కేంద్రంలోని టీఎస్ ఎమ్మార్పీఎస్ చేర్యాల పట్టణ అధ్యక్షులు పోతుగంటి కిషోర్ అధ్యక్షతన బుధవారం డాక్టర్ బాబు జగ్జీవన్ రామ్ 37వ వర్ధంతిని పునస్కరించుకొని అంబెడ్కర్ విగ్రహం వద్ద వారి చిత్రపటానికి పూలమాలవేసి ఘనంగా నివాళులర్పించారు. ముఖ్య అతిథిగా ఎమ్మార్పీఎస్ టీఎస్ సిద్దిపేట జిల్లా అధ్యక్షులు భూమిగారి రాజేందర్ మాదిగ పాల్గొని మాట్లాడుతూ.. బాబు జగజీవన్ రామ్ స్వతంత్ర సమరయోధుడిగా సంఘసంస్కర్తగా సమత వాదిగా తన పాలనా దశతో భారతదేశానికి సేవలను అందిస్తూ భారత ఉప ప్రధానిగా ఎన్నో అభివృద్ధి కార్యక్రమాలు చేసిన దళిత బిడ్డ బాబు జగజీవన్ రామ్ అని వారి సేవలను కొనియాడారు. ఈ కార్యక్రమంలో ఎమ్మార్పీఎస్ సీనియర్ నాయకులు చుంచు యాదగిరి, కర్రోల్ల యాదగిరి,పాకాల అనిల్, భూమిగారి దామోదర్, భూమిగారి శ్రీరామ్, ఎర్రమైసగళ్ళ శ్రీకాంత్, రామగళ్ళ కిషోర్, భూమిగారిఅనిల్, రాంపురం గ్రామ శాఖ అధ్యక్షులు బండ సాయిలు తదితరులు పాల్గొన్నారు.