అనంతపురం,మే19( జ‌నం సాక్షి): తెలుగు రాష్ట్రాల్లో ఇప్పుడున్న చంద్రులే మళ్లీ అధికరాం చేపడతారని టిడిపి ఎంపీ జేసీ దివాకర్‌ రెడ్డి జోస్యం చెప్పారు. అలాగే కేంద్రంలో మళ్లీ బిజెపికే అవకాశాలు ఉన్నాయని అన్నారు.  వచ్చే ఎన్నికల్లో కేంద్రంతో పాటు రెండు తెలుగు రాష్ట్రాల్లో ఏయే పార్టీలు అధికారంలోకి వస్తాయనే విషయమై టిడిపి ఎంపీ జేసీ దివాకర్‌ రెడ్డి జోస్యం చెప్పారు. శనివారం మాజీ రాష్ట్రపతి నీలం సంజీవరెడ్డి 105వ జయంతి సందర్భంగా అనంతపురంలో ఆయన విగ్రహానికి పూలమాల వేసి నివాళులర్పించారు. అనంతరం ఆయన విూడియాతో మాట్లాడుతూ.. 2019 ఎన్నికల్లో ఎపిలో టిడిపి, తెలంగాణలో టీఆర్‌ఎస్‌, కేంద్రంలో బిజెపి అధికారంలోకి వస్తాయని అభిప్రాయపడ్డారు. ఈ సందర్భంగా కర్ణాటకలో రాజకీయ పరిస్థితులపైనా ఆయన స్పందించారు. కాంగ్రెస్‌, జేడీఎస్‌ పార్టీలు కలిసి తమ బలాన్ని నిరూపించుకునే అవకాశం వచ్చిందని అభిప్రాయపడ్డారు.