చేర్యాల (జనంసాక్షి) జూన్ 10 : చేర్యాల నూతన సీఐగా సిద్దిపేట సీసీఎస్ లో విధులు నిర్వహిస్తున్న మంచినీళ్ల శ్రీనివాస్ బుధవారం బాధ్యతలు చేపట్టారు. గత రెండు సంవత్సరాలుగా చేర్యాల సీఐగా పని చేసిన భీంరెడ్డి శ్రీనివాస్ రెడ్డిని ఐజీ ఉత్తర్వుల మేరకు సిద్దిపేట సీపీ శ్వేత సీసీఎస్ లోకి బదిలీ చేశారు. నూతన బాధ్యతలు చేపట్టిన సీఐ శ్రీనివాస్ ను మూడు మండలాల ఎస్.ఐ లు మర్యాదపూర్వకంగా కలిశారు. ఈసందర్భంగా సీఐ మాట్లాడుతూ.. శాంతిభద్రతల దృష్ట్యా ప్రజలు సహకరించాలని, ఏదైనా సమస్య వస్తే నేరుగా పోలీస్ స్టేషన్ ను సంప్రదించాలని వారు ప్రజలకు సూచించారు.