హైదరాబాద్ : ఉమ్మడి కరీంనగర్ జిల్లాలోని జగిత్యాల నియోజకవర్గంలో టీఆర్‌ఎస్ ఎంపీ కవిత తన మార్క్ చూపించుకున్నారు. కనీసం రెండు నెలల పాటు అక్కడే మకాం వేసిన కవిత.. సంజయ్ కుమార్ గెలుపు కోసం అహర్నిశలు కృషి చేశారు. సంక్షేమ పథకాల ద్వారా సంజయ్ కుమార్ ప్రజలకు చేరువ అయ్యారు. నాలుగేళ్లలో నియోజకవర్గ అభివృద్ధికి నిధులు ఇచ్చారు. ఎంపీ కవిత తన ప్రచారంతో కార్యకర్తలను సమన్వయం చేసుకుంటూ.. సంజయ్ కుమార్ గెలుపుకు ఎంతో కృషి చేశారు. ఇక సంజయ్ కుమార్ గెలుపుతో జగిత్యాలలో సంబురాలు మిన్నంటాయి. 2014 ఎన్నికల్లో జీవన్ రెడ్డికి 62,616 ఓట్లు రాగా, సంజయ్ కుమార్‌కు 54,788 ఓట్లు పోలయ్యాయి.