ఒంగోలు,సెప్టెంబర్‌7(జ‌నంసాక్షి): ప్రకాశం జిల్లా 16వ నంబరు జాతీయ రహదారిపై టంగుటూరు

టోల్‌ప్లాజా వద్ద టన్నుకు పైగా గంజాయిని రవాణా శాఖ అధికారులు స్వాధీనం చేసుకున్నారు. జిల్లా సహాయ మోటారు వాహన తనిఖీ అధికారి ఎం.శ్రీరాములు సాధారణ తనిఖీలు నిర్వహిస్తుండగా- ఆ సమయంలో విజయవాడ నుంచి చెన్నై వైపు వెళుతున్న వింగర్‌ వాహనం తారసపడింది. విధుల్లో ఉన్న ¬ంగార్డు భగవాన్‌ ఆ వాహనాన్ని నిలిపేందుకు ప్రయత్నించారు. వాహన చోదకుడు వాహనాన్ని నిలపకుండా వేగంగా ముందుకు వెళ్లేందుకుయత్నించాడు. దాంతో అనుమానం వచ్చిన ¬ంగార్డు భగవాన్‌ వెళుతున్న వాహనం డోరు తీసి, దానిలోకి ఎక్కాడు. డ్రైవరును పట్టుకుని వాహనాన్ని నిలిపివేశారు. అనంతరం వాహనం లోపల అనుమానాస్పద సంచులు ఉన్నట్లు గుర్తించిన ఏఎంవీఐ రాములు వెంటనే డీటీసీ సుబ్బారావుకు సమాచారం ఇచ్చి వాహనాన్ని డ్రైవరుతో సహా తమ కార్యాలయానికి తరలించారు. దానిలో 150 ప్యాకెట్లలో సుమారు టన్నుకుపైగా గంజాయిని చెన్నైకు తరలిస్తున్నట్లు గుర్తించారు. మధురైకు చెందిన వాహన చోదకుడు సత్యవేలును అదుపులోకి తీసుకుని విచారిస్తున్నారు. తనిఖీల సమయంలో ఆ వాహనం నుంచి పరారైన వ్యక్తి వివరాలు ఆరా తీస్తున్నారు.