ఇద్దరు యువకుల మృతి

మెదక్‌,జనవరి14(జ‌నంసాక్షి): మనోహరాబాద్‌ మండలం జీడిపల్లి శివారులో సోమవారం తెల్లవారుజామున రోడ్డు ప్రమాదం ఇద్దరిని బలితీసుకుంది. బైక్‌ అదుపుతప్పి డివైడర్‌ ను ఢీకొట్టడంతో ఈ ప్రమాదం జరిగింది. ఈ ప్రమాదంలో ఇద్దరు మృతిచెందారు. మరొకరు తీవ్రంగా గాయపడ్డారు. మృతులు మనోహరాబాద్‌కు చెందిన రంజిత్‌ (20), విష్ణు (21)గా గుర్తించారు. గాయపడిన వ్యక్తిని చికిత్స కోసం తుప్రాన్‌ ప్రభుత్వాస్పత్రికి తరలించారు. పోస్టుమార్టం కోసం రంజిత్‌, విష్ణు మృతదేహాలను ఆస్పత్రికి తరలించారు. గాయపడిన వ్యక్తి వివరాలు తెలియరాలేదు. ఈ ఘటనపై కేసు నమోదు చేసి విచారిస్తున్నట్టు పోలీసులు తెలిపారు.