కర్నూలు,జూన్‌30(జ‌నం సాక్షి): డోన్‌లో పిఎసి చైర్మన్‌, వైసిపి ఎమ్మెల్యే బుగ్గన రాజేంద్రనాథ్‌ రెడ్డి ఆధ్వర్యంలో శనివారం భారీ నిరసన ర్యాలీ నిర్వహించారు. డోన్‌ పోలీస్‌ స్టేషన్‌ ముందు బైఠాయించారు. ఈ సందర్భంగా రాజేంద్రనాథ్‌రెడ్డి మాట్లాడుతూ… శాంతి భద్రతల విషయంలో పోలీసులు వ్యవహరిస్తున్న తీరుపై ఆగ్రహం వ్యక్తం చేశారు. సమాజంలో అరాచక శక్తులపై చర్యలు తీసుకోవడం లేదంటూ, అధికార పార్టీ నేతలకు పొలీసులు తొత్తులుగా వ్యవహరిస్తున్నారంటూ విమర్శించారు.