నెల్లూరు,జూలై13(జ‌నం సాక్షి): నెల్లూరు జిల్లా కావలి మండలం చెన్నాయిపాలెం సముద్ర తీరానికి వచ్చిన తమిళనాడు బోట్లను అడ్డుకున్న చెన్నాయిపాళెం మత్స్యకారులు అడ్డుకున్నారు. అక్రమంగా తమ ప్రాంతానికి వచ్చారంటూ చెన్నాయిపాలెం మత్స్యకారులు అడ్డుతగిలారు. దీంతో ఇరువర్గాలు పరస్పర వాగ్వాదానికి దిగారు. ఆగ్రహంతో రాళ్ల దాడికి పాల్పడ్డారు. ఈ దాడుల్లో నలుగురు చెన్నాయిపాలెం మత్స్యకారులకు గాయాలయ్యాయి. వెంటనే వారిని చికిత్స నిమిత్తం కావలి ప్రభుత్వాస్పత్రికి తరలించారు.