తిరుపతి,మే8(జ‌నం సాక్షి):  తిరుపతి వుడ్‌సైడ్‌ లాడ్జీలో వ్యక్తి దారుణ హత్యకు గురయ్యాడు. అతనితోపాటు లాడ్జీలో దిగిన యవతి హత్య తర్వాత కనిపించకుండా పోవడంతో ఆమెపై పోలీసులు అనుమానం వ్యక్తం చేస్తున్నారు. ఆమె మృతుడికి ఏమౌతుంది? ఇప్పుడు ఎందుకు మాయమైందనే కోణంలో పోలీసులు దర్యాప్తు చేస్తున్నారు. ఢిల్లీకి చెందిన మణితుళి ఈ నెల 4న ఓ యువతితో కలిసి వుడ్‌సైడ్‌ లాడ్జీలో దిగాడు. ఈ నాలుగు రోజుల్లో ఏమైందో ఏమో కానీ మంగళవారం శవమై కనిపించాడు. అతనిని దారుణంగా చంపినట్లు కనిపిస్తోంది. మృతుని శరీరంపై కత్తిపోట్లు కూడా ఉన్నాయి. ఈ కేసుకు సంబంధించి పోలీసులు ఇద్దరు అనుమానిత మహిళలను అదుపులోకి తీసుకున్నారు. వారిలో మణితుళితో కలిసి ¬టల్‌ గదిలో ఉన్నది ఎవరనేది ఇంకా నిర్ధారించాల్సి ఉంది.