తిరుమల,జూలై7(జ‌నం సాక్షి): తిరుమల శ్రీవారిని కరీంనగర్‌ ఎంపీ వినోద్‌ దర్శించుకున్నారు. శనివారం ఉదయం నైవేద్య విరామ సమయంలో ఎంపీ వినోద్‌ కుటుంబ సమేతంగా స్వామి వారిని దర్శించుకొని మొక్కులు చెలించుకున్నారు. స్వామి వారి దర్శనార్థం శుక్రవరాం రాత్రి తిరుమలకు చేరుకున్న ఆయనకు టీటీడీ అధికారులు స్వాగతం పలికి బస, దర్శన ఏర్పాట్లు చేశారు. దర్శనానంతరం ఆలయ రంగనాయకుల మండపంలో వినోద్‌ దంపతులకు వేదపండితులచే ఆశీర్వచనం అందించి, స్వామివారి పట్టువస్త్రాలను, తీర్ధప్రసాదాలు అందజేశారు. స్వామి వారిని దర్శించుకోవడం చాలా సంతోషంగా ఉందని ఎంపీ వినోద్‌ తెలిపారు. తిరుమలలో వేరెక్కడ లేని విధంగా వసతి సౌకర్యాలు ఉన్నాయని ఆయన అన్నారు. తిరుమల మొత్తం చాలా పరిశుభ్రంగా ఉందని, దీనికి కారణం ఉద్యోగుల శ్రమ అని పేర్కొన్నారు. వచ్చే యాత్రికులకు మరింత సౌకర్యాలు అందించే విధంగా టీటీడీ ముందుకు పోవాలని ఎంపీ వినోద్‌ సూచించారు.