నీళ్ళు,నిధులు,నియామకాలు అనే నినాదంతో ఆత్మ గౌరవమే ప్రధాన అస్త్రంగా,ప్రత్యేక తెలంగాణా రాష్ట్ర సాధనకై ఉవ్వెత్తున సాగిన మలిదశ ఉద్యమ పోరులో కదంతొక్కిన ఉద్యమకారులకు నేడు పురస్కారాలు అందజేయనున్నట్లు సునితమ్మ స్వచ్ఛంద సేవా సంస్థ అధ్యక్షుడు,టిఆర్ఎస్ కెవి సంగారెడ్డి జిల్లా అధ్యక్షుడు బి.వి శివశంకర్ రావు అన్నారు.మండలం పరిధిలోని కాసాల గ్రామ శివారులో గల బిఎన్ రెడ్డి ఫంక్షన్ హాల్ లో గురువారం తెలంగాణా రాష్ట్ర ఆవిర్భావ దినోత్సవాన్ని పురస్కరించుకుని సంస్థ ఆధ్వర్యంలో ఉద్యమకారులను సన్మానించడంతో పాటు వారికి గౌరవ పురస్కారాలు అందజేయడం జరుగుతుందని వారన్నారు.కార్యక్రమానికి ముఖ్య అతిథిగా రాష్ట్ర మహిళా కమిషన్ చైర్ పర్సన్ సునితా లక్ష్మారెడ్డి హాజరు కానున్నారని ఆయన తెలిపారు.సర్పంచులు, ఎంపీటీసీలు,నాయకులు కార్యక్రమంలో పాల్గొనాల్సిందిగా ఆయన విజ్ఞప్తి చేశారు.