– ప్రజలకు ఏదో చేయాలనే తపన ఉంది
– సినీ నటుడు పోసాని మురళీ కృష్ణ
అంకివీడు, మే26(జ‌నం సాక్షి) : వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌ రెడ్డిలోని నిజాయితీ, మాట విూద నిలబడే తత్వం తనకు నచ్చాయని సినీ నటుడు, రచయిత పోసాని కృష్ణమురళి అన్నారు. ప్రజాసంకల్పయాత్ర చేస్తున్న వైఎస్‌ జగన్‌ను ఆయన శనివారం కలిశారు. అనంతరం పోసాని మాట్లాడుతూ..’జగన్‌లోని ధృడ సంకల్పం నన్ను ఆకర్షించిందని, అందుకే ఆయనకు మద్దతుగా పాదయాత్రలో పాల్గొన్నానని తెలిపారు. అన్నివర్గాల సమస్యలు పరిష్కరించే నాయకుడు వైఎస్‌ జగన్‌ అని, ఆయనలో సంకల్పం చూసి ఆశ్చర్యం వేసిందన్నారు. ఇది చరిత్రలో నిలిచిపోయే పాదయాత్ర అని, మూడు వేలకిలోవిూటర్లు నడవడం అంటే మామూలు విషయం కాదన్నారు. మండుటెండను సైతం లెక్కచేయకుండా ప్రజా సమస్యలు తెలుసుకోవడానికి ఆయన చేస్తున్న పాదయాత్ర అసాధారణమని పోసాని పేర్కొన్నారు. నేను రెండు, మూడు కిలోవిూటర్లు కూడా నడవలేకపోయా. సమస్యల పరిష్కారంపై నిబద్ధత కలిగిన నాయకుడిగా ఆయనకు ఓటువేసి ముఖ్యమంత్రిని చేయండనిరాష్ట్ర ప్రజలందరికీ విజ్ఞప్తి చేస్తున్నా అని పోసాని తెలిపారు. ఒక్కసారి విూరు ఓటు వేస్తే విూరే మళ్లీ మళ్లీ ఆయనను గెలిపిస్తారు అనిఅన్నారు. జగన్‌కు సీఎం కాగలిగిన అన్ని అర్హతలున్నాయని, అంతకుముందు ముఖ్యమంత్రుల కంటే చాలా సమర్ధంగా పనిచేస్తారనే నమ్మకం ఉందన్నారు. నాకు ఎటువంటి పదవులు వద్దు. ఎమ్మెల్యే, ఎంపీగా పోటీచేయనని, ఎమ్మెల్సీ, రాజ్యసభ పదవులను స్వీకరించననని పోసాని స్పష్టం చేశారు. అబద్దపు హావిూలిచ్చి ప్రజలను మోసం చేయనని, అబద్దపు హావిూలతో నేను అధికారంలోకి రానని జగన్‌ చెప్పిన మాటలు నచ్చాయన్నారు. వైఎస్‌ జగన్‌ గురించి రాష్ట్ర ప్రజలెవరూ తప్పుగా అనుకోలేదని, చంద్రబాబు మాత్రమే ఆయనపై తప్పుడు ప్రచారం చేస్తున్నారని పోసాని అన్నారు.
———————————