ఎస్వీఆర్‌ విగ్రహావిష్కరణకు భారీగా ఏర్పాట్లు

ఏలూరు,జూలై2(జ‌నం సాక్షి): ముఖ్యమంత్రి చంద్రబాబునాయుడు ఏలూరు నగరంలో మంగళవారం పర్యటించనున్నారు. ఈ మేరకు ఆయన పర్యటన అధికారికంగా ఖరారైంది. 3వ తేదీ ఉదయం 10.30 గంటలకు హెలీకాప్టర్‌లో ఏలూరు సీఆర్‌ఆర్‌ డిగ్రీ కళాశాల మైదానానికి చేరుకుంటారు. అక్కడి నుంచి కారులో బయలుదేరి పెదపాడు మండలం వట్లూరులో నెలకొల్పిన ఎస్‌వీ రంగారావు కాంస్య విగ్రహావిష్కరణ ప్రదేశానికి ఉదయం 10.45 గంటలకు చేరుకుంటారు. ఆ కార్యక్రమం అనంతరం 11.45 గంటలకు బయలుదేరి 12 గంటలకు ఏలూరు చేరుకుంటారు. స్థానిక పవరుపేటలోని ఎన్జీవో ¬ం నూతన భవనాన్ని ప్రారంభిస్తారు. అనంతరం మధ్యాహ్నం 12.25 గంటలకు జిల్లా ప్రధాన ఆసుపత్రికి చేరుకుని తలసేమియా వ్యాధి నివారణ కేంద్రాన్ని ప్రారంభిస్తారు. అక్కడి నుంచి 12.45 గంటలకు బయలుదేరి ఒంటి గంటకు ఇండోర్‌ మైదానం చేరుకుంటారు. జిల్లా సహకార కేంద్ర బ్యాంకు శత వసంతోత్సవం సందర్భంగా ఏర్పాటు చేసిన సభలో పాల్గొంటారు. మధ్యాహ్నం 2.45 గంటలకు ఇండోర్‌ మైదానం నుంచి బయలుదేరి 2.55 గంటలకు సీఆర్‌ఆర్‌ డిగ్రీ కళాశాల మైదానంలోని హెలీప్యాడ్‌కు చేరుకొని విజయవాడ వెళతారు.