– కుమారస్వామి ప్రమాణస్వీకారోత్సవంలో పాల్గోనున్న సీఎం
అమరావతి, మే22(జ‌నం సాక్షి ) : ముఖ్యమంత్రి నారా చంద్రబాబునాయుడు బుధవారం ఉదయం 9గంటలకు బెంగళూరు వెళ్లనున్నారు. కర్ణాటక ముఖ్యమంత్రిగా కుమారస్వామి నేడు ప్రమాణస్వీకారం చేయనున్నారు. ఈ కార్యక్రమానికి చంద్రబాబు హాజరవనున్నారు. అనంతరం బుధవారం రాత్రి బెంగళూరు నుంచి నేరుగా గన్నవరం విమానాశ్రయానికి చేరుకుని అక్కడి నుంచి అమరావతికి రానున్నారు. కర్ణాటకలో అత్యంత నాటకీయ పరిణామాల మధ్య బుధవారం కుమారస్వామి కాంగ్రెస్‌ మద్దతుతో ప్రమాణ స్వీకారం చేయనున్నారు. కాగా ఈ ప్రమాణ స్వీకారానికి చంద్రబాబును రావాలని మాజీ ప్రధాని దేవగౌడ ఆహ్వానించారు. కాగా పాలన ఏర్పాటులో కాంగ్రెస్‌ ఉండటంతో చంద్రబాబు తొలుత వెళ్లేందుకు నిరాకరించారు. తరువాత మంత్రుల సమావేశంలో ప్రమాణ స్వీకారానికి వెళ్తేనే మంచిదని మంత్రులు, ముఖ్యనేతలు సూచించడంతో చంద్రబాబు ప్రమాణస్వీకారానికి వెళ్లేందుకు సిద్ధమయ్యారు. ఇదిలా ఉంటే మరోవైపు సీఎం కేసీఆర్‌ మంగళవారం సాయంత్రమే బెంగళూరుకు వెళ్లారు. బుధవారం రాష్ట్రంలో పలు ముఖ్య కార్యక్రమాలు ఉండటంతో ముందురోజే బెంగళూరు వెళ్లిన కేసీఆర్‌.. కుమారస్వామిని అభినందించారు. కేసీఆర్‌ వెంటనే తిరుగుపయణమయ్యారు.
– ———————————