ప్రపంచ మృత్తికా (నేల) దినోత్సవం సందర్భంగా మునగాల  మండలంలోని అన్ని రైతువేదికలో రైతులకు ఉదయం 10.00 గంటలకు అవగాహన కార్యక్రమం కలదని మునగాల మండల వ్యవసాయ అధికారి బి అనిల్ కుమార్ ఆదివారం ఒక ప్రకటనలో తెలిపారు. ఈ కార్యక్రమంలో నేలని కాపాడుకొని నేలసారం దెబ్బ తినకుండా అధిక దిగుబడులు ఎలా సాధించాలనే అంశంపై వ్యవసాయ అధికారులు తెలియచేస్తారన్నారు. మండలంలో ఉన్న మునగాల, ఆకుపాముల, నేలమర్రి, రేపాల రైతువేదికలలో ఈ కార్యక్రమాలు నిర్వహించబడునని తెలిపారు. కావున రైతులు అధిక సంఖ్యలో పాల్గొని ఈ కార్యక్రమాన్ని విజయవంతం చేయాలని కోరారు.